Nkosi, amaKhosi ahloniphekile, iziMeya, amaKhansela, iziNduna, amaLungu ePhalamende, abasebenzi bemiNyango kaHulumeni eyehlukene kubandakanya nabezokuphepha, nomphakathi wonke was'Osizweni; ngiyanibingelela.
Kwabe sekuthiwe lolo suku kumele lugujwe minyaka yonke. Kanti uMnyango wokuThuthukiswa koMphakathi yiwo obhekene nokugujwa kwalolo suku.
Ngiyethemba-ke siyazibonela sonke ukuthi isibalo sabantu sikhula ngesivinini esingakanani ekubeni izinga lomnotho wethu lehla kakhulu. Yingakho namhlanje sizokwethula uhlelo lokufundisa abesifazane ikakhulukazi intsha ukuthi ikwazi ukuzithuthukisa ngokomnotho. Nginentokozo ukumemezela ukuthi lolu hlelo lokufundisa umphakathi luqale izolo ngoLwesithathu, nginethemba ukuthi luzosiza kakhulu umphakathi wakithi ukuthi ubhekane nesimo somnotho esintengayo. Ngiyethemba ukuthi niyazibonela ukubaluleka kwenu njengoba lo mcimbi kule sifundazwe kukhethwe ukuba uzokwenzelwa lapha endaweni yenu.
Olunye uhlelo, yilolo lokunikwa ukudla kwalabo abentula kakhulu luka R140 million. Nokho-ke ngiyazi luthe ukubambezeleka ngenxa yomthamo wabantu abakulesi simo esibuhlungu kangaka.
Njengoba nazi-ke muzi wakwethu ukuthi isiFundazwe sethu sikhungathwe yizinhlekelele nyakenye ezibandakanya iziphepho, izikhukhula, imililo kanye nomphezulu kusukela eMolweni, kweza KwaMakhutha kwase kulandela izindawo ezehlukene zesiFundazwe lapho kwedlule khona imiphefumulo eminingi kwalimala abantu abaningi futhi iningi labo lasala dengwane. Kungumsebenzi walo Mnyango-ke ukuba babhekeleleke labo bantu. Ngiyathanda-ke ukunazisa ukuthi enyakeni owedlule izindleko esibhekelele ngazo lezi zinhlekelele kusosonke isiFundazwe zibe ngu R6 million 800 Thousand.
